Luru Ati Liya

grimis nggrejih iki
kadya tangising sepi
kang semimpen
rapet ing telenging ati

wewayanganmu
nglegena, anglelena
ambethot rasa kapang
kang ora tapis kasuntak
nalika jejagongan

wektu kang lumayu
ninggal aku tanpa swara
luru ati liya
kang kebah sih tresna

sliramu wis tega
jumangkah
lali marang tembang asmaradana
kang mbok tinggal nalika semana
dadi pangayem-ayem

===ooooOOOoooo===